المساعد الشخصي الرقمي

مشاهدة النسخة كاملة : المسابقه التراثيه

شما
10-11-2002, 03:51 PM
السلام عليكم ورحمه الله وبركاته.......

اشحااالكم يا اعضااائنااااااا الحلوين.......

انا الصراحه يت على بالي هذي الفكره صح ما اظن انها يديه بس حلووه

و الهدف من هذي المسابقه هو احياء تراث اجدادنا والمحافظة عليه من الضياع.... و انا اتوقع ان كثير من الاعضاء راح يستفيدون من هذي المسابقه ... يعني الي ما يعرف يستفيد و الي ناسي يتذكر ..

وهاااااااه لازم الكل يشاارك في هذي المسابقه... اريدكم تطلعووون
كل الكلمااااات الي عندكم ......ومب الا في الامارات لالالالالا
في كل دول الخليج........

وأأأأأأأأألف مبروووووك على المنتدى الجديد.....

يله بسم الله نبدأ.....بس قبل ما نبدأا اقولك شئ لا تحطون كلمه جديده قبل ما نجاوب على الكلمه الي قبلهاااااا ..... اكيييييد في كلمااات بيكثر فيها التخمين "ddf" :ss:

اول سؤااال هوووووه.....

ماذا تعني كلمة حابوول؟؟؟؟؟

يله جاوبووووووا

والي يجاوب يحط النا السؤال الي بعده.....

ترى الي ما بيجااوب "mosdsat" "mosdsat" "mosdsat" ههههههههه"ddf"

تحيااااااتي شماااااا
[AmWaG]
10-11-2002, 03:53 PM
تكفين يالغاليه حطي اختيارات "ll" "ll"

تراني مو شي بالكلمات التراثيه القديمه ...
شما
10-11-2002, 03:59 PM
"ddf" :ss: اموااااااااج ما يخصني اسئلي وجاوبي ههههههههه



تحياااتي شمااااا
عقرب العين
10-11-2002, 04:18 PM
السلام عليكم ورحمه الله وبركاته


الحابول هو : يستخدم في ركووب النخله


والسؤال الي بعدي



ما هي المخرافه ؟

والسمووووووووحه
الراكد
10-11-2002, 04:23 PM
الله يعطيج العافيه اختي شما على هذا الموضوع

وانا بشارك والسموحه

الحابول : يستخدم لتسلق النخيل وله استخدامات كثيره

============ اذا الاجابه صح ........ هذا سؤالي ...؟==============

شو يعني كلمة : شمشول او شو الاستخدام لهذا الشي



وتحياتي وتقديري و احترامي
الراكد"mobtsam"
الراكد
10-11-2002, 04:27 PM
من سبق لبق

المخرافه تستخدم : لقطف ثمار النخيل

=============== اذا كانت الاجابه صحيحه ====== =====

السؤال

شو يعني كلمة : شمشول او شو الاستخدام لهذا الشي ...؟؟


تحياتي وتقديري و احترامي
الراكد "mobtsam"
عذب الشــجون
10-11-2002, 07:54 PM
شمشول : من انواع الملابس "mobtsam"

اذا صح سؤالي :

"ddf" وشو======= ( الخرس ) =========؟ "ddf"

"msdsat"
شما
10-11-2002, 09:02 PM
تسلمووووووووون اخواااااني على تواصلكم الدائم ...
ويا ليت الكل يشاركنا في ذي المسابقه حتى نستطيع التعرف على كلماتنا التراثيه...

عذب الشجووون .....
الخرس اظن مصنوع من الفخار ويضعون فيه الماء لتبريد..."ddf"

الي بعده"ddf" مممممممممممم شوه معنى السعن"ddf"


تحياااااتي شماااااا"ddf"
ولد الامارات
10-11-2002, 10:50 PM
السعن ممممممممم والله مااعرف

شو معنى:الديم
عذب الشــجون
10-11-2002, 11:13 PM
السعن هي :

- الجربة - وهي وعاء مصنوع من جلد الغنم لحفظ الماء وتبريده

"mobtsam"
شما
10-11-2002, 11:42 PM
ولد الامااارت ممممممممممم الديم ما اعرفته والله .....
لو تشرح استخدامه يمكن نعرفه.....:ss:

عذرب الشجوووووون ااااالله عليك رهيب في الكلماات التراثيه.....

بسسس تعاااااال وين السؤااااااال"seb" "seb" "seb" هااااااااااااه

يله تعااااااال حط السؤااااال


تحياااتي شماااااا
عذب الشــجون
10-11-2002, 11:49 PM
انا اعتمدت سؤال اخوي ولد الامارات

سؤالي : نبي نعرف شو======= (( التبه )) ========"mobtsam"

"ddf"
شما
10-12-2002, 12:02 AM
عذب الشجووون التبه اظن انهااااا مصنوعه من المعدن "ddf"
ويحطون فيهااااا الدهن "ll" "qar" صصصصصصصصح والا

واذا صح السؤاااااال الي بعده مممممممم شوه يعني العتاد"ddf"


تحياااااتي شمااااااا
عذب الشــجون
10-12-2002, 12:44 AM
شما

لا هي مب معدنيه ولايحطون فيها الدهن "ll"

حاولي مره ثانيه "ddf"
روح دار زايـد
10-12-2002, 01:27 AM
مرحبااااااااا
ما اعرفهااااااا بس اتمنى اعرف معناهاااااا

تحياتي
دانة الظبي
10-12-2002, 11:43 AM
فكرة واااايد حلوة اختي

بس ما عرف شي عشان اجاوبة "seb"

بس يالله ناخذ معلومات يديدة

"mobtsam"

تحياتي

تشااااوة

..........
...........
شما
10-13-2002, 12:09 AM
"ASSD" "ASSD" "ASSD"
عذب الشجووووون ما عرفنااااااا شوه التبه"eab""eab""eab"

ممكن تخبرنااااااا وتحط سؤاااااال غيره.....
"msdsat" :ss:


تحيااااااتي شمااااا
عذب الشــجون
10-13-2002, 12:42 AM
خلاص انا اقول الاجابه"ddf"

(( التبة ))

هي لعبة شعبية جماعية ويمكن ان يشارك فيها عدد كبير من اللاعبين

وتختار لها الاماكن البراحة الواسعه قليلة التعاريج والحفر .

"mobtsam"

السؤاااااااااال :

ماهو========(( الصريدان )) =============؟

"msdsat"
شما
10-14-2002, 12:02 AM
عذب الشجووووون .......

الصريدان اظن الي يخبزوون عليه ......
صحححححححح والا "ddf" "ll" "qar" يا رب يطلع صح ....."zars"


تحياااتي شمااااا
عذب الشــجون
10-14-2002, 12:59 AM
شما

لا خطأ ... لكن قربتي شوي "ddf"

يلا فكري وشدي الحيل نبي الاجابه

مباااااااااااااااااااشره "mobtsam"
شما
10-18-2002, 01:06 AM
يعني طلع غلط ....."zars"

ممممممممممممم عيل اكيييييييد ان الصريدان
الي يحطون فيه الجمر ويشون فيه ......"qar"
صحححححححح والا ......"ASSD"


تحياااتي شمااااا
عذب الشــجون
11-09-2002, 01:41 PM
شماااااااااااااااا "ddf" صححححححححح

يلا عطينا سؤال يديد من عندك

"mobtsam"
السنــــافيه
12-11-2002, 05:02 PM
اممممممممممممممممممم

شو معنى كلمت ((غــــوازي))
مضمرات الهين
01-18-2003, 04:47 AM
حبيت ارد على اخويه ولد الإمارات ..

الديم هو المطر الغزير ..

ومثل ما قال .. المايدي بن ظاهر الله يرحمه

لِفَا الأرض دِيٌم لَفّـهَا واحْيَا نَبْتِهَا آخر العشا
لفا والي الوديان عَجّل حدورها

والسموحه ..
اخوكم بو سنيده
أمل مقتول
01-18-2003, 12:39 PM
الاخت السنافيه الغوازي معناها الفلوس . البيزات .


شوه معناة السقاااااااا؟ سهل اكيد بتعرفونه؟


امل مقتول
Apachi
01-19-2003, 07:00 PM
(( السقاا )) ....

مثل اليربه مصنووع من جلد ويحطوون فيه حليب البقر ويخضونه ..
ويستخلصوون منه اللبن والزبد البقري






_____ شوو يعني ((( المنحاز )))__________
والسموحه
شما
01-29-2003, 11:00 PM
اخوي Apachi المنحاز .......
مصنوع من الحديد ويستخدمونه يوم
بيدقون شئ...
وكانوا قبل يدقون فيه القهوه ...

اكييييييييييييييييييد صصصصححححح"ddf" "dktor"

لا تقولووووووووون لا خطاااااااااااأ"ll"


زين اذا صح.........


شوه يعني الشماااال؟؟؟؟"ddf"


والشمال شده على الشين"ddf"


تحياااااااتي شمااااا
AL_MoLLa
01-29-2003, 11:13 PM
السلام عليكم ...

الشمال هو اللي يحطونه على ثدي الناقه ... اذا صح ...

شو معنى ((( القـــلمي)))


____________________تحياتي________________________ _
عذب الشــجون
02-24-2003, 01:07 AM
القلمي : شراع السفينه الصغير
عنود العيـــن
03-09-2003, 09:59 PM
انا عندي سؤال بعد!!!!!


شو هيه الفتخه أو ( الفتخ )

وعلى شان اسهل عليكم هو شي ينلبس وخاص للحريم ؟؟؟؟؟
البدوية
03-14-2003, 10:11 PM
الفتخ

شرات الخاتم يلبسونة فى بهام الريل


"mobtsam"


المرتعشة شو ؟؟؟؟



البدوية "mobtsam" مصوغة
بن دبي
03-15-2003, 12:06 PM
مرحبا

المرتعشه شرات السلسله من الذهب تنلبس في الرقبة
وتتدلى منها مثل خيوط ولا سلاسل ذهبيه

تحياتي لج إختي البدويه
البدوية
03-15-2003, 12:26 PM
يا حافظ عليك يــــــــــــــ بن دبي ــــــــــــا


نزين شو بعد


الكواشي



البدوية "mobtsam" زاهية
البدوية
03-16-2003, 04:55 PM
افااااااااااااااااااا

محد عرف الكواشي

نزين لو قلنا عيل

الفتور و الميزع ولا صالحنييييييي ودمعة فريد وبريسمهاااااااااا


ها شو بيكون الرد



البدوية "mobtsam" اصيلة
بن دبي
03-17-2003, 07:59 AM
حاضرين إختي البدويه بن دبي وصل

بسم الله نبتدي

الكواشي هن تراجي ينحطن في الإذن ويكونن طوال طبعا ذهب

والفتور وحدة قياس مثل الشبر تقريبا أقل بعد يقولون يشبر
لكن هني يقولون يفتر

أما الميزع هذا ثوب ملون يلبسنه الحريم الأوليات

وصالحني ودمعة فريد وبريسمها
نوع من الأقمشه والقطع

وإنشاء الله ما أكون غلطان

تحياتي لشخصج الكريم إختي البدوية
البدوية
03-18-2003, 10:22 PM
كفووووووووو والله يا راعي الدبي

ولكن المقصود بالفتور سلسة ذهب عند الاذن بين الكواشي وطاست الذهب فوق الراس


"mobtsam"


نتابع معاكم تراثنا الجميل


شو


الملتفت والمشاميم




البدوية "mobtsam" بالمراصق
البدوية
03-23-2003, 12:36 PM
افاااااااااااااا !!!!

محد عرفهن


يالله حاولوا وتنشدوا حراااااااااااااااااااااااام تراثنا يندثر وينساااااااا


بعاطيكم فرصة اسبوع ولي بيعرف الجواب له جائزة من عندي


500 على الملتفت
500 على المشاميم



البدوية "mobtsam" فيها حفوز
البدوية
03-29-2003, 10:48 AM
اوووووووووووووووووووووووية محد عرف !!!

ما سويتوا إلا الزين


: )


الملتفت هو نوع من الاساور يعني شرات الحيول بس اعرض

المشاميم هى سلاسل ذهب تنزل مع الشعر والمياديل



البدوية "aa" بالمزري
هارب من الايام
05-01-2003, 10:39 AM
العتاد هي اغراض الشخص وامتعته وتستتخدم بالسفر للمعونه اي االكل ويقولون هات العتاد
سوالى هو؟

ما معني الخري؟؟؟
وشو يعني السخام؟
هارب من الايام
05-03-2003, 11:02 PM
glrw,]المقصود بالخري هو شبيه السرج بس الفرق انهم يحطون اغراض فيه
والسخام هو الفحم
شما
05-09-2003, 01:24 AM
مستعيل يا هارب من الايام انا اعرفهن بسسسسس

انته استعيلت وجاوبت.....*66* *66*

تسلموووون اخواني على المتابعه.......


وهالحينه شووه احط كلمه.......


ممممممممممممممممممممم....*11* *11*

شوه معني الكيرخانه*71*



تحياتي شماااااااا

بسير ارقد*38*

ههههههههه
سعودي يعشق دبي
05-18-2003, 01:21 PM
الكيرخانه :

اظن انها لعبة ..

*37*
عذب الشــجون
05-20-2003, 07:49 PM
الكيرخانه

هي : ماكينة الخياطة اليدوية

والله اعلم
شما
06-05-2003, 12:57 AM
عذب الشجووووووووون اجابه صحيحه...


*12* *12* *12* *12* *12* *12*

وليش ما حطيت السؤااااااال يا عذب.....*70*




تحياااتي شمااااا
عذب الشــجون
06-06-2003, 12:08 PM
ههههههههههه

سؤالي هالمرة عن :

( الميداف )

*71*
k i l l e r
06-07-2003, 08:31 PM
سهل..اداة تساعد على التجديف..حلوة هاي

لول..تستخدم لتحريك وتوجيه المركب *71*

شو معنى..."بوهكه"؟*11*